Шмат працы, сонца і жылля: як купіць кватэру ў Гомелі

Каб купіць кватэру ў Гомелі, спачатку трэба вызначыць галоўнае: самостойна вы будзеце гэта рабiць, або праз рыэлтараў. Кожны са спосабаў мае свае асаблiвасцi, але прафесiяналы дапамагуць вам вырашыць кватэрнае пытанне крыху хутчэй. І падводных камянёў у такiм выпадку будзе значна менш. Пачаць пошук уласнай кватэры ў Гомелі варта з прагляду спецыялізаваных інтэрнэт-пляцовак. Праглядайце аб'явы, кантактуйце з ўласнікамі, некалькі разоў (дапусцім, у ранішнія і вячэрнія гадзіны) наведайце кватэру, уважліва праверце ўсе дакументы і можаце пачынаць здзелку.

На дадзены момант найбольш актыўна прырастае квадратнымі метрамі Савецкі раён. Гаворка ідзе пра мікрараён «Шведская горка». Гэта даволі прагрэсіўны жылы масіў, аднак інфраструктуры тут пакуль не хапае: ёсць пытанні з месцамі ў дзіцячых садках і школах. Пры гэтым, менавіта тут будуюцца вялікія гандлёвыя цэнтры, зусім побач размешчана буйная зялёная зона – усё гэта, вядома, прыцягвае пакупнікоў. І калі яшчэ некалькі гадоў таму гэты мікрараён не карыстаўся вялікім попытам, то зараз прадажа кватэр тут ідзе даволі паспяхова.

Добрая прапанова на рынку жылля – гэта мікрараён «Стары Аэрадром». Гэта – зялёнае і ціхае месца, прычым недалёка ад цэнтра. У апошнія гады тут было пабудавана некалькі новых сучасных дамоў.

Знайшоў сваю нішу на рынку і мікрараён Волатава. У свой час ён актыўна забудоўваўся: тут з'яўляліся аб'екты інфраструктуры, добраўпарадкоўваліся зоны адпачынку. Нядзіўна, што пакупнікі разглядаюць набыццё ўласнай кватэры ў Волатава ў якасці выгаднага ўкладання сродкаў. Яшчэ адна перавага гэтага мікрараёна – адсутнасць прамысловых прадпрыемстваў. Тут кошт тыповай двухпакаёвай кватэры без рамонту стартуе ад 30-35 тысяч долараў. РазвIтацца з аднапакаёвымі кватэрамі ўласнікі гатовыя за 18-23 тысячы. Прыкладна на тым жа ўзроўні цэны і ў Савецкім раёне (Рэчыцкі праспект, пр-т Кастрычніка).

Што да самага даступнага жылля, то аднапакаёвыя, двухпакаёвыя і трохпакаёвыя кватэры па нізкай цане варта шукаць у мікрараёне «Заходні» (вуліцы Уладзімірава, Амурская, Мінская). Таксама зусім невялікая разбежка па кошце кватэр у Навабеліцкім раёне. Калі вы хочаце купіць кватэру ў Гомелі менавіта ў гэтым раёне, то значыць вам па душы спакойны лад жыцця. Справа ў тым, што галоўная тэрытарыяльная асаблівасць Навабеліцы – аўтаномнасць. Ад астатняй частцы Гомеля раён аддзяляе рака Сож. Для кагосьці гэта – плюс, а для кагосьці і мінус.

А вось самыя папулярныя раёны Гомеля, на думку рыэлтараў, – гэта стары цэнтр, а таксама – Лядовы палац. Агенты адзначаюць, што ў старым цэнтры знаходзіцца парадная набярэжная ракі Сож, пешаходны мост, шмат кафэ, самая папулярная вуліца Гомеля – Савецкая, а таксама асноўныя гарадскія славутасці. Кошт 1-пакаёвых кватэр тут пачынаецца ад 23-28 тысяч, 2-пакаёвыя кватэры каштуюць у раёне 35-40 тысяч долараў.

У цэлым, рынак нерухомасці ў Гомелі сёння знаходзіцца ў стабільным стане, а сярэдні кошт квадратнага метра ў горадзе складае 550-600 долараў.

Адзначым, што ўвесь Гомель дзеліцца на 4 раёны. Цэнтральны раён размешчаны ў цэнтральнай, усходняй і паўночна-ўсходняй частках Гомеля. Яго галоўнымі вуліцамі з'яўляюцца Савецкая, праспект Леніна, Мазурава і Інтэрнацыянальная.

Савецкі раён (асноўныя вуліцы раёна – Рэчыцкі праспект, Барыкіна, праспект Кастрычніка і Багдана Хмяльніцкага) знаходзіцца ў паўднёва-заходняй частцы Гомеля. У раёне сканцэнтравана трэць прамысловага патэнцыялу і 37% насельніцтва Горада.

Чыгуначны раён (асноўныя вуліцы – праспект Касманаўтаў, Савецкая, Крупскай, праспект Перамогі) займае паўночна-заходнюю частку горада. Тут знаходзяцца чыгуначны вакзал, аўтавакзал, аэрапорт. Таксама менавіта тут працуюць 35 прамысловых прадпрыемстваў, якія вырабляюць каля паловы прамысловай прадукцыі горада.

Навабеліцкі раён (галоўная вуліца раёна – вуліца Ільіча) размешчаны на левым беразе ракі Сож, у паўднёва-ўсходняй частцы горада. Тут пражывае ўсяго 10% насельніцтва Гомеля.

Што тычыцца спальных раёнаў, то такiмi ў Гомелі лічацца «Шведская горка, «Заходні», «Мельнікаў луг», «Навабеліца». Тут знаходзiцца вялікая колькасць шматпавярховых дамоў, а вось размяшчэнне тут тэатраў, кафэ і вялікіх гандлёвых цэнтраў архітэктары не запланавалі.

Прыватная забудова ў Гомелі таксама ёсць. Сёння простую вясковую хату варта шукаць у былых вёсках Ніжняе Брылёва, Новае Жыццё і Новая Мільча. Атмасфера ў гэтых кутках Гомеля – дакладна не гарадская: на вуліцах спяваюць пеўні, брэшуць сабакі і ганяе дзятва на роварах. Праўда, будоўлі з'яўляюцца і ў гэтых частках горада. Так, маштабнае будаўніцтва панэльных шматпавярховак працягваецца ў мікрараёне «Хутар», дзе раней таксама былі толькі прыватныя хаты. Сёння на месцы былых агародаў растуць цэлыя кварталы новых шматкватэрных дамоў. У цэлым, купіць кватэру ў Гомелі сёння не праблема. Прадаўцы з абласнога цэнтра прапануюць пакупнікам вялікі выбар жылля на любы густ.